通識卷二

【DSE通識卷二】延伸回應題技巧懶人包 讀熟題型、概念缺一不可!

  • Post author:
  • Post category:DSE攻略
  • Post published:2020-07-28
  • Post last modified:2023-04-04
studentconversion
tutor registration

通識卷被喻為死亡之卷,好多同學仔都毫無頭緒,連點溫都唔知。其實,通識卷強調學生批評性思考同對時事嘅敏銳度,同時要求考生熟讀題型,要考得好一定要下苦心。今日就Tutor Circle 尋補 總括DSE通識卷二嘅重點,等同學知道有咩要留意啦!
延伸閱讀:【DSE通識】LS精讀筆記大全:題型+概念詞+4大溫習技巧


通識卷二

DSE通識卷二
2020年通識卷二的題目(圖片來源

通識卷二考1個鐘頭15分鐘,考生要三選一,每題設兩條分題,通常係8分/10分/12分。題目會以通識六個單元為中心,分別係:

  • 單元一:個人成長與人際關係
  • 單元二:今日香港
  • 單元三:現代中國
  • 單元四:全球化
  • 單元五:公共衛生
  • 單元六:能源科技

同卷一嘅資料回應題唔同,卷二出嘅係延伸回應題。望落好似冇咩分別,但係答案嘅方法技巧大不同。



資料回應題,顧名思義,同學要以所提供嘅資料為主要作答依據,自由發揮嘅空間較細。相反,係卷二嘅延伸回應題,閱讀資料只作參考之用,同學唔可以完全依賴資料,而要自己提供概念同實例,對舉例論證嘅要求十分高。
👉🏻【DSE Past Paper】DSE Past Paper 最新最齊大全!


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

1. 三選一題目點選?

DSE通識卷二
通識卷二如何選題?(網上圖片)

通識卷二俾同學三選一,同學一定要事先制定選題策略,開考後盡量5分鐘內揀定題目,揀定就唔好再心思思,以免浪貴時間。
咁揀題目到底有咩技巧呢?

  • 六大單元熟邊個:由於通識卷二強調學生本身舉例論證嘅能力,對單元內容嘅熟悉程度好影響題目嘅完成度。同學要對自身能力有足夠認知,清楚明白邊個單元係自己嘅強項。
  • 題型有伏位:除左單元內容外,當年出嘅題型都會左右同學選題。通識卷嘅題目,每個字都會影響答卷嘅方向,亦會突然出啲未見過嘅題型,同學一定要衡量題型嘅難度,例如「價值衝突」題就非常拆,但「是否同意」題就比較易入手。

2. 睇分數作答

通識卷二只有兩題,但兩題佔分唔同,多數一題8分,一題12分。其實分數本身已經提示左同學要寫幾多個point。
8分題一般黎講要求同學寫3個論點,12分題就要求同學寫4個論點,其中一個會係駁論。如果12分題唔寫駁論,其實final mark唔會高得去邊。
延伸閱讀:【通識題型】應試必看!一分鐘拆解DSE題型模式及答題技巧

3. 參考資料只是「參考」

DSE通識卷二
在作答通識卷二時,考生要應用平日所學的相關概念(網上圖片)

以為將所有通識卷二參考資料的內容放晒落你嘅答案欄就完成?不!其實考卷上嘅參考資料只係畀你用嚟做「參考」,考生應該要將自己所學嘅相關概念及詳細分析寫出來,而參考資料就是用作舉例,或者將概念延伸。不過,考生也要小心參考資料可能會有伏,所以要小心分析,選取與題目相關的資料。

總結

通識卷二冇得過份依賴閱讀資料,要求考生概念化單元內容,再舉例論證,難度十分高。所以同學要提早操練,制定選題策略,先可以穩操勝券。
延伸閱讀:
【通識改革】教育局提出高中4大核心科目變動 各科計劃一覽
【通識補習】通識最強補習名師推薦 & 分享溫習竅門!

更多DSE筆記📝 *此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
DSE通識卷二
DSE通識卷二

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言