科大

【科大】踩到智慧石就要quit u? 剖析大學系列!

studentconversion
tutor registration

每間U都會有各自嘅禁忌同特色,入得去讀書就一定要知。講完港大同中大,今日就同大家講下科大啦!尋補Tutor Circle講UST你不知道的事。
 
Tutor Circle尋補YouTube Channel 拍左新既亂入大學系列:大學人快問快答,大家快啲入去睇下你識唔識答啦!


踩到智慧石就要quit u?

科大其中一樣最著眼嘅,莫過於係翻hall途中必定會經過嘅「智慧石」!係條路中間就無啦啦有舊石磚係到,都已經夠哂奇怪,相傳你挑戰跨過舊石,成功左就會GPA爆四,相反失敗左踩左上去,後果就係你quit u……人生就係一場賭搏,成功住左hall嘅你,每日行過都可以考慮挑戰下嘅 🙂

科大校園曾經係動漫場景!

科大山明水秀,咁靚嘅校園就曾經係日本動漫 RoboMasters: The Animated Series嘅場景!係裡面可以見到超級真實嘅科大校園,有航拍嘅全景、行上「火雞」日晷嘅斜路、海旁通通都見到!就連每個情節,學生上堂嘅課室同環境都同科大一樣!得以選為動漫背景,相信科大嘅同學都好榮幸,唔知大家又有無睇過套動漫呢?
智慧石 科大



科大係男校?

之前都有唔少報導話香港大學生嘅男女比例都係 4:6 ,女仔都偏多,反而得科大,因為以理科為主,都俾人感覺男仔偏多,仲曾經俾人話過係男校,小編仲有朋友表示入U想拍拖,結果入左科大後,身邊真係無幾個女仔同學!原來呢啲都只係掩眼法,因為科大大部分女仔都集中左係商科,商學院正正男女比例就係 4:6!所以入左科大嘅男同學,take翻幾科商科,得閒行下商學院,好快就到你請食出pool飯 😀
智慧石 科大
仲想唔想知其他U有咩禁忌同特色呢?想就記得留意下一篇blog啦!


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

延伸閱讀:

【理工大學】入得Poly 你唔係唔知啊?- 剖析大學系列!

【中文大學】入得中大 你唔係唔知啊?- 剖析大學系列!

【城市大學】入得城大 你唔係唔知啊?- 剖析大學系列!

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
科大
科大

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言