BB抗疫貼士

【BB抗疫貼士】分享家居清潔要點及增強BB抵抗力的食物

studentconversion
tutor registration

而家疫情十分嚴峻,病菌特別對小朋友殺傷力好大,呢幾日所有媽媽都在膽戰心驚,不停在搵相關的資訊🥺
 


1. 家居清潔要點

首先自己屋企人要格外小心,做好個人和家居清潔消毒,jo媽和老公收工回家第一時間洗手換衫才抱呀b,外套手袋噴衣物消毒。
屋企也要做好清潔,每日拖地就一定,呀b會四圍爬,呀b用品也要清潔好,而家小jasmine 9個多月大,成日流口水四圍咬,jo媽每日要抹所有玩具、bb床欄杆,碗、杯用前一定用熱水洗一次,盡量做好家居衛生
BB抗疫貼士

2. 增強BB抵抗力的食物

另外jo媽覺得要增強呀b抵抗力好緊要,第一盡量堅持母乳,寶寶可以從中得到天然抗體、活細胞、酵素等,小jasmine食左9個月暫時都健健康康🥰第二多攝取鐵、鋅、維他命D,而家小jasmine真係好少外出,但jo媽都會抱住小jasmine係露台曬曬太陽,多食蛋黃、鮭魚等都有幫助!鋅、鐵質對呀b發展非常重要,jo媽每日都會俾肉、菠菜,仲成日俾南瓜🎃
BB抗疫貼士
所以吸收足夠營養對寶寶健康好緊要,身邊好多朋友都頭痛小朋友唔肯食野或好偏食或食野時間過長,唔肯食呀b營養吸收不足好擔心,小jasmine又無呢個問題食得好好所以想分享一下經驗🥰
 



3. 保持BB身心健康

最重要保持呀b心情愉快,食野自然會好,一定要有充足睡眠,因為有好多媽媽set timetable,一定要某時段訓,但jo媽覺得應該以呀b主導,佢眼瞓咪俾佢訓,訓到自然醒佢就會好開心,睡眠不好,有機會令寶寶生理功能紊亂、食慾不佳,抵抗力自然下降、容易生病😷另外係屋企都安排不同活動同BB玩,上篇已分享過呢到就唔詳細講~
BB抗疫貼士
Jo媽餵食過程也相當歡樂,每次小jasmine食野都好開心,有時開心到跳舞呢😂通常會跟我同時間食,雖然自己一邊食一邊仲要餵佢好辛苦,但呀b見到自己食有樣學樣又會跟住食好得意😂佢食得叻jo媽會大大咁稱讚,有時更會播住歌/唱住歌食野🎶
 

總結

所以呀b夠訓開心自然食得好,吸收自然好,做個健康寶寶jo媽就放心🥰非常時期都係盡做,多留意有用資訊,心情盡量保持開朗,自己多加小心,希望疫情快點結束,大家都要身體健康!
 
延伸閱讀:
【BB確診新冠肺炎】要入院隔離治療點算好?整合5大重點!
【餵人奶】上唔到奶要補奶粉?媽媽分享親身經歷及注意事項


--------------------
👼🏻現正招募「親子Blogger」!你都想分享育兒資訊?
立即將1️⃣筆名、2️⃣FB/IG/Blog page及3️⃣個人簡介 send俾我哋!
按此👉🏻Email
按此👉🏻Whatsapp
記得註明【申請做親子Blogger】,可能下一篇就係你嘅文章啦!😍
--------------------
*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言