小學補習技巧-私補老師

【私補老師攻略】第一次幫人補習?9招留住你嘅學生!

studentconversion
tutor registration

小學補習技巧!唔少大學生係課餘嘅時間都想幫人補習當返part time賺下外快,因為人工高、工時短,而且時間和地點都相對自由。就住私補呢個話題,今次呢篇文「私補老師攻略」主要想講下私補老師可以點樣準備好第一次補習課堂,喺家長或者學生心目中留返個好印象,增加家長搵你長補嘅機會。Tutor Circle 尋補 希望呢篇文可以幫助到所有第一次幫人補習嘅老師,或者第一次幫小學生補習嘅導師,輕鬆面對第一堂補習啦!


1. 私補首堂前:準備功夫

1.1 同家長/學生事前溝通好

呢一點好重要!好重要!好重要!而且好容易比人忽略!好多補習老師都以為攞咗家長或者學生電話之後,淨係同佢夾好時間咁就算,其實仲有好多嘢你要了解清楚,有啲家長同學生冇同你講清楚要啲咩,而你又唔主動問,就有機會出現誤會,大大影響佢哋對你嘅觀感,以下整理咗一啲問題去了解家長或者學生嘅需要:

  • 教材係要導師準備定係學生自備?
  • 課堂節奏可以去得快啲定係要慢慢講?
  • 程度暫時係level幾/全級排第幾?
  • 目標係想升到level幾/級排名升到幾多?
  • 讀邊間中學?中中定係英中?
  • 學生而家教到咩topics?
  • 仲有幾耐要考試?
  • 想溫返啲舊野打好個底定係去學新野?
  • 學生嘅性格係點?(呢個問家長會比較好,問返學生自己有啲奇怪⋯⋯)
  • 每隔幾耐交一次學費?(即堂清或每星期清或月結都可以)
  • 有冇後備時間可以約到?(以防有啲突發嘅deadline同活動要趕課請假)

問多啲嘅目的都係希望了解返學生嘅狀況同期望,始終大家素未謀面,你又唔清楚學生嘅需要就好難針對性去提供返佢地想要嘅野,大家溝通得好,課堂自然會順暢好多啦!



1.2 準備教材

了解咗學生嘅需要之後,就緊係要好好準備第一堂要用嘅野啦!如果學生係自備教材嘅話,你可以上網重溫返一啲相應課題嘅資料,去確保所有概念都有記憶嘅,唔怕到時比學生問到口啞啞啦!同時你都可以考慮準備少少extra嘅筆記,當學生嘅教材用晒嘅時候都有嘢係手做下,以備不時之需!


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

如果家長或學生要求你準備教材嘅話,咁你一定要利申返自己未必真係好準確對到學生嘅考試範圍,雖然係同一課,但唔同學校針對唔同嘅野同嘅難度都有唔同,唔同嘅學生都有唔同進度,除咗事前你要了解學生嘅需要,準備教材你都切記要準備多啲好過少,甚至準備埋後一課前一課,咁樣就會比到家長或者學生你可信、有備而來嘅感覺。

1.3 準時到達

第一次補習 - timing is everything
準時到達補習場所,可以令你嘅第一印象加分。

呢層唔洗講啦!守時是美德,補習嘅第一堂緊係要提前/準時去到補習地方,咁樣做可以留一個好嘅印象比家長同學生,話比佢地聽你係一個有責任心嘅人,咁佢地就會搵你長補嘅機會都會增大!

另外,出門時間方面預鬆少少,尤其是去你唔熟悉嘅地方,即使有Google Map都可能要自己花啲時間去搵,如果早到咗嘅話又可以感覺輕鬆啲,唔洗急急忙忙上到去,搞到緊張得滯咩都唔記得晒。就好似考DSE個陣你都會早少少到考場熟習下,適應下個環境啦係咪先!早咗到,熱下身、放鬆下個人,咁一開波成個人都醒啲,自信心返晒黎啦!

2. 私補課堂期間:溝通技巧及補習內容

2.1 唔好講太多同課堂無關嘅野

雖然話私補要同學生打好關係,可以傾多少少閒偈,但係唔建議係第一堂就咁樣做,因為始終大家未建立到信任嘅時候,如果你經常偏離課堂嘅主題,有機會令學生或者家長覺得你鐘意吹水多過教書,認為你教唔到啲咩。你當然可以用輕鬆少少嘅語言去帶動成個氣氛,但係就唔好過份講到其他興趣、時事、八卦野、加IG等等嘅嘢。

你要記住,首堂嘅目標係比對方睇到你嘅專業,證明你係有能力去教學,而且係有熱誠,切忌hea教吹水!建立關係嘅野等你同學生有咗互相信任之後再慢慢了解多啲都未遲,最緊要人地試完你堂覺得你有料,教到嘢,繼續搵你補咁先有用㗎嘛!學曾鈺成話齋:「我建議你少一點說些無用的話。」。

2.2 幽默嘅你切忌隨便同學生開玩笑

小編自己就有一段經歷想分享下,第一次去上堂個陣,見個學生好似幾玩得又幾過癮,跟住就隱隱約約串下佢,好似係「你確認你而家嘅水平係DSE考生?」咁上下嘅程度,點知個學生就突然個樣有少少真嬲,講咗句:「你唔好咁mean得唔得呀」,之後就黑面,有啲灰心,又有啲嬲咁,成堂個氣氛就變得尷尬咗,搞到我都幾唔好意思。

第一次補習 - 每個人都有一個地方是特別脆弱的
每個人都有自己嘅難言之隱,唔好係未熟悉對方嘅時候亂咁同人開玩笑。(圖片來源:賭俠)

雖然個學生最尾都有搵返我長補,但係呢個故事教識我真係唔好隨便同人開玩笑,因為每個人都有啲地方係特別脆弱而你又唔知,尤其是第一堂個陣,所以真係唔好亂咁去串人,即使你覺得個樣嘢好minor,等你地真係做咗friend先再講都未遲,就好似《賭俠》入面嘅達叔所講:「每個人都有啲地方係特別脆弱嘅,而呀叔啱啱就係正個頭到」,一定要慎言。

2.3 切記要有禮貌

有禮貌係非常重要,尤其是當對方未接觸過你嘅話,禮貌係可以令佢對留下一個好好嘅印象。一見面一定要打招呼,走個陣用好啲嘅語氣去請對方比一啲feedback你,約埋下一堂時間,同埋講拜拜,唔好急急腳走咗去,比人感受到你係好caring同有heart。
而且,有禮貌除咗比人感覺你係一個有修養、易相處同友善嘅人之外,仲可以比對方感受到你嘅認真同埋對教學嘅熱誠。試問如果你搵一個幫你手做野,個個人又粗魯又冇禮貌,你都會覺得佢好似唔係好想做咁啦(更甚嘅係,你唔會想受佢氣),所以一定要以禮待人!

2.4 準備適量嘅功課份量比學生做返

第一次補習 - Homework and stress
適量嘅功課,有助學生吸收得更好。

比功課學生做其實有好多好處,以下就簡介咗三點。

第一,學生有功課做可以令佢地將學過嘅野即刻實踐返,如果你上堂教到嘢,佢地再做多次,就會鞏固到記憶,自然就會將你教嘅嘢更有效入到腦。

第二,可以比到一個印象對方,你唔係教完就算,你教完仲會有嘢比佢地做,家長聽到一定會好開心,因為佢地最鐘意就係比多啲功課,感覺好似實在啲。

第三,可以更加了解學生嘅性格,調整教學方針,你可以從學生係交功課嘅態度睇到佢地嘅性格,知己知彼先可以百戰百勝。有心同勤力嘅學生多數會按時完成功課比你check,咁你就可以放心去教同assign功課比佢地做;對於乜都冇做嘅學生,你就應該諗多啲方法令佢地主動完成返啲功課,幫佢地搵出要讀書嘅原因,激勵佢地,例如同佢地講下點解要讀書、點解要做功課、做功課嘅目的係咩,有需要甚至可以搵家長出馬,請家長督促佢下堂前做晒功課,都有助加速返上堂嘅節奏。

3. 補習課堂後:了解及跟進

3.1 問返學生嘅feedback

如果你第一堂準備得唔係咁好,上堂嘅時候有啲蝦碌,課堂時間又控制得唔係咁好,第一印象當然會打咗折扣,但係過去咗既嘢已經返唔到轉頭,而家唯一可以做嘅就係下一堂表現得好啲。

你可以做嘅就係問返佢哋意見先,等你知道可以做啲咩令到課堂質素上升(教得太快?教得太淺?功課太少?解得唔夠清晰?),你下堂就可以因應住呢啲comment調整返你嘅策略。如果我係學生見到你咁有心去提高教學質素,我都會即刻對你改觀嫁!

3.2 同家長夾得唔係好稱心,主動同中介聯絡

第一次補習 - Smiling emoji
作為導師同學生之間嘅橋樑,Tutor Circle 尋補歡迎導師係遇到困難時打比我地呻。

最後一點,有時你可能已經盡咗力,但係對方仍然對你多多批評,儘管你已經落力為學生好,但依然得不到分數,你就可以搵返相應嘅中介去講返成件事,未必係你唔啱㗎嘛!

Tutor Circle 尋補觀迎導師同我地申訴(或者呻),無論係教學上或非教學上遇到任何問題,如果你唔想直接同家長講出你嘅問題,都可以透過我哋將你嘅意見反映返比家長或學生知道。除咗幫你地搵到學生之外,我地都十分重視導師嘅權益,如果遇上不公平或不合理對待,我地一定會施以援手!

如果大家想搵補習,不妨考慮搵Tutor Circle尋補幫幫手,經驗豐富,信譽良好。家長免任何中介費及手續費,為學生提供最優質的私人補習導師。

👇🏻即睇影片👇🏻

總結

以上就歸納咗私補老師第一堂要注意嘅地方,私補要補得好從來都唔容易,仲要挽留到家長學生嘅心,希望呢篇文章幫助到你去準備課堂,如果有任何意見都歡迎係下面留低comment,我地一定會比返答覆你地! 

延伸閱讀:
【私人補習價錢 2023】最新私補價錢!5大因素影響收費!
【被動收入】差一步就能建立被動收入?5個方法大學生都做到


常見問題

最新補習公價係幾多?

接學生就讀的年級及補習科目,價錢各有不同,詳情可按此參考私人補習收費表

揀選補習老師時有咩要注意?

除了要在首堂前了解導師的簡單學歷及背景,也可以問清楚導師以往的補習經驗……更多揀選補習老師注意事項
*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
私補老師,小學補習技巧
私補老師,小學補習技巧

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言