You are currently viewing 【全人發展】 照顧學生學術以至身心靈發展 - 油蔴地天主教小學

【全人發展】 照顧學生學術以至身心靈發展 - 油蔴地天主教小學

studentconversion
tutor registration

油蔴地天主教小學座落於油蔴地避風塘畔 , 係1968年由香港天主教教區創辦。 校址內亦設立油麻地天主教堂區「聖保祿堂」,與學校相輔相成,衷誠合作。現時,油天校舍設有30間普通課室, 正副禮堂、籃球場、電子音樂教室、電子美勞教室、多媒體電腦教、電子書教室、學生活動室、校園電視台、閱覽室、輔導室、小聖堂、數碼圖書館等,以配合學生在學習上嘅需要。為咗充分利用學校空間,學校嘅五樓係飯堂同埋多用途室,天台亦可以俾學生休憩用。油天係油尖旺區 31校網嘅熱門小學之一,係2019年全港小學排名排第37,相信好多家長都對佢有興趣。今天就讓筆者係TutorCircle 尋補同大家一齊睇下油天有咩咁值得小朋友就讀啦。
封面圖片來源

 
 


課程特色

STEM教育

圖片來源

除咗一般傳統嘅科目之外,油天現時亦都另設STEM教育。為咗融合常規課程,油天係小一至小六都有推行為期兩星期嘅主題式科學探究活動(STEM Week),將STEM元素(電腦、數學)融入常識科常規課程入面。
 
係校內體驗活動方面,油天都有舉行STEM 科技日,以STEM體驗課、比併活動、攤位遊戲等活動激發學生對科學同埋科技探究嘅興趣,藉以普及STEM教育。 此外,油天設有周五活動課,係各級周五活動課滲入STEM元素,讓更多學生體驗STEM教育。例如二年級嘅活動係科學探究同埋實驗達人,去到六年級,學生更加有機會接觸App Inventor手機應用程式、Swift Playground等IT programming software。
 
另外,學校亦不時舉辦唔同主題嘅STEM工作坊、戶外學習參觀活動、資優班、境外交流團、參加唔同嘅STEM比賽等等,令學生有機會擴闊視野,發掘自己係STEM科目方面嘅潛能。



宗教科-身心靈發展

l6Eme3934NzfTGa-0y8kdd6Zh_1Y3brmhaYMBOS5G4-jOQ6FY1ZQwGWAzqYAml8IZuUOwKbL-E_3-8VFdS4fgtBoxjthY-LC1BOcOg113E6pHbMBJDlDS8CtTw (512×456)

圖片來源


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

油天身為天主教小學係注重發展學生嘅學術成績之外,亦都同樣注重佢哋嘅身心靈發展。學校每週都設有宗教堂,老師會係課堂上運用「厄瑪烏教學法」引導學生反思生活經驗,參考天主教價值觀,進而決定點樣改善自己嘅思、言、行為,幫助學生從生活到天主教信仰,再回到生活嘅成長途徑。
 
此外,宗教組仲會定期為全校學生舉辦多元化嘅活動,例如:彌撒,宗教早會,低年級午間宗教活動,不同志願機構嘅籌款及探訪活動等,藉此培育學生關注同認識弱勢社群嘅需要,為有需要人士服務嘅精神,鼓勵他們效法基督嘅博愛同埋服務精神。學校希望可以引導學生以基督嘅完美人格作為典範,培育學生崇尚人類尊嚴同埋基本權利、誠實、公平、正義、守原則、捨己為人、  孝順父母、尊重生命、勤勞、節儉、和諧、和平與包容等價值。
 

油蔴地天主教小學 收生安排(2018-19)

圖片來源

根據上年小一學位同埋教育局公佈嘅暫定「統一派位」學額推斷,油蔴地天主教小學嘅小一收生人數為150人,當中在「自行分配學位」階段嘅學額有75位,已取錄同埋預留嘅人數有102人。而「統一派位」階段嘅暫定學額有48位,包括個別學校在有需要時整合課室提供額外嘅統一派位學額。而佢哋嘅收生分數約莫為20分。
學校聯絡資料
電話:2780 7311
傳真:2780 7313
電郵:ycps@ymtcps.hktedu.com
 

升中概況

升讀Band 1學校人數分布圖

資料來源

升讀Band 2學校人數分布圖

002_1568796076.jpg (3508×2481)

圖片來源

因為油蔴地天主教小學無相關嘅聯繫中學或者直屬中學,所以學生升讀嘅中學會比較diverse。而係最新一屆2019嘅小六升中數據入面,86名學生成功升讀Band 1英中,占全體學生嘅五成七,當中最多畢業生升讀聖芳濟書院,有14個,其次係伊利沙伯中學同埋九龍華仁,分別有9個同埋8個。而成功升讀Band 1英中嘅畢業生入面,76%嘅學生都係入讀傳統名校。但係要注意嘅係,油天亦都有大約有四成三嘅學生入讀band 1尾至band 2嘅中學,而整體學生考入頭三志願嘅百分比係75.7%,比全港嘅平均值87%為低。可見校內學生嘅水平差距頗大。

總結

一間好嘅小學對小朋友嘅身心成長真係好重要,而相信係2019年全港小學排名排第37嘅油蔴地天主教小學一定係唔少家長嘅心頭好。但係,要注意嘅係油蔴地天主教小學同埋油蔴地天主教小學(海泓道)雖然都係位於油尖旺區31校網,係同一個辦學團體成立嘅小學。但係佢哋係兩間唔同嘅小學嚟架,雖然油蔴地天主教小學(海泓道)都係全港頭50小學排名戰榜上有名,但係各位爸爸媽媽係報讀嘅時候都要小心睇清楚你哋嘅囝囝囡囡想報讀嘅係邊一間呀。
【延伸閱讀】深水埗最國際化學校?【聖瑪加利男女英文中小學】透視
【延伸閱讀】小學常識科時事題考起小朋友,家長平日可以如何培養?
【延伸閱讀】「孩子可能沒有食物敏感,而是對塵蟎過敏。」拆解三個食物敏感測試的謬誤
【延伸閱讀】  【讀普教小學有乜用?】蘇浙小學的堅持

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言