You are currently viewing 【健身入門】由零開始玩健身!用健身app學習練成summer body無難度!

【健身入門】由零開始玩健身!用健身app學習練成summer body無難度!

  • Post author:
  • Post category:小編分享
  • Post published:2020-06-16
  • Post last modified:2020-06-16
studentconversion
tutor registration

疫情自2月爆發以黎,相信有唔少同學仔已經被困屋企一段時間。唔知大家有冇發現,係屋企大部份嘅時間唔係食就係訓,到左夏天先發現,beach body就冇了,肥肉就一大舊。想修返好個身形,但又唔知從何入手,不妨試下健身,完全無經驗亦無問題,初學者可以由淺入深,慢慢操返fit自己,等Tutor Circle尋補馬上為大家介紹一下健身入門有咩需要注意啦!
 


健身一定係為左瘦?

初學者健身入門時一定要首先搞清楚自己嘅需要同目的。一般而言,健身有兩大目的 – 減脂或者增肌,達成兩者嘅方法唔太一樣。
 

圖片來源
做gym唔一定要不停做cardio架!

健身目的

大部份人初玩健身嘅時侯都係為左「減肥」,其實即係要減脂,咁就要配合帶氧運動,例如跑步、拳擊等,而且要適當節食,避免攝入過量糖份,令到燃燒嘅熱量大於攝取嘅熱量,達成「熱量赤字」,先有減肥嘅效果。
 
相反,如果同學本身身形瘦削,想要多啲肌肉,咁就要增肌了,健身時要多做器械訓練,同時可能要食多啲野。聽到呢到係咪以為增肌好爽,可以食好多野呢?其實所謂嘅食多啲野,係指要食多啲健康嘅蛋白質,例如雞胸肉同雞蛋咁,亦可以飲適量嘅蛋白沖劑去補充,唔係咩都可以亂食架!
 
所以,同學健身入門嘅時候,記住要先揀岩自己嘅訓練方式,無謂搞到自己又攰又無效果啦。
 



唔想去健身房咁點算?

雖然疫情有緩和嘅跡象,健身房亦慢慢重開,但仍然有一定嘅風險。但唔想去健身房,其實仲有好多唔同嘅方法健身架。

係屋企隨時隨地都可以做占!
圖片來源
 
同學一開始健身入門時,其實可以試下在家健身 (home workout)。網上有唔同俾初學
嘅入門影片可以參考,亦有免費嘅健身app可以為你度身訂做健身計劃,有詳細教學,等你唔會做錯,亦唔需要特別嘅裝備,可以輕鬆在家健身。
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

瑜珈 = 健身?

但呢度要特別留意嘅係,好多人都以為瑜伽好適合健身入門。的確瑜伽動作簡單,亦唔係劇烈運動,但做到消脂效果,但係其實瑜伽牽涉好多頸部拉伸同埋支撐嘅動作,容易受傷,唔係話買張瑜伽墊返嚟就識得玩,所以建議如果係健身入門,瑜伽雖然係唔錯嘅選擇,但亦都唔可以輕視佢嘅難度。
 

健身入門常犯錯誤

一開始玩健身嘅時候好多人都會不知不覺間犯下唔少嘅錯誤,令到健身嘅效果唔明顯,甚至受傷。呢一度就等小編講解下有啲咩常犯錯誤啦。
 

  • 做得越多越好?

好多人都覺得健身動作做得越多越好,但其實比起數量,動作嘅質量更加重要。如果動作唔正確,唔單止容易受傷,亦冇辦法訓練到適當嘅肌肉群組,出嚟嘅效果會強差人意。所以,健身入門嘅時候唔好太在意動作嘅數量,更加要留心嘅係動作有冇做啱,欲速則不達啊。
 

  • 每次都做一樣嘅動作?

好多人習慣咗每次健身都只會做同樣嘅動作,但事實上,我哋嘅肌肉會有記憶,如果過度倚賴同樣嘅健身動作,其實並唔會訓練到肌肉,要適當咁提高做動作嘅次數或動作嘅強度,先至可以令到你嘅肌肉增強耐力,達到健身效果。
 

  • 每日做效果更佳?

好多人一開始健身嘅時候都會滿腔熱誠,每日到健身室報到,不停操練,務求短期內達到理想效果。但係其實肌肉需要適當嘅休息,過度嘅操練,反而會延緩肌肉生長,所以同學必須要比足夠嘅時間肌肉去恢復,不能操之過急。
 
 

總結

睇完以上嘅簡介,相信同學都對健身有咗一定嘅初步了解,只要有耐性同埋恒心,即使係健身入門,相信亦都可以喺夏天完結前收穫理想嘅body!
 
延伸閱讀:【有機食品】有機食品的好處及推介!!!
延伸閱讀:【健身食品】點樣食得健康又開心?
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言